شـبكة جنـين للـحوار

حياكم الله وبياكم واهلا وسهلا بكم في شبكتكم شبكة جنين للحوار ..
شـبكة جنـين للـحوار


    قادر متحبنيش

    شاطر

    الحب المستحيل
    .
    .

    انثى
    عدد الرسائل : 215
    تاريخ التسجيل : 23/06/2007

    قادر متحبنيش

    مُساهمة من طرف الحب المستحيل في السبت سبتمبر 01, 2007 5:22 am

    قادر متحبنيش

    قادر متحبنيش .. ترمينى من حياتك
    مكونش بين كتاباتك .. غير بدايات مبتورة
    و اعيش بين ذكرياتك .. طيف خيال باهت
    مسجون فى خلفية صورة
    وردة جوه اجندة .. دبلت من النسيان
    سقطت من حساباتك .. اترمت مقهورة
    وردتك السابقة بترجوك
    إن كنت سرقت عبيرها
    احييها فى حضنك لو لحظة
    قبل ما تغرس فيها الشوك
    قبل ما ترمينى و تقسي
    علم قلبى ازاى يقسي
    علمنى اكره اسمك
    ببساطة اشوه رسمك
    و اضيفله رتوش ترضينى
    نابين كبار و بقعة دم
    و عيون م التلج فى قلبها نار
    اضحك على نفسي و انسى الهم
    و تاخدنى سكرات الوهم
    اتساءل زى الأطفال
    إزاى زمان عشقت شيطان
    و اتخيلته ملاك فى اوقات
    و بريشتى رسمتله جناحات
    و بدرت فى قلبه حنينى
    و همستله فى العشق حاجات
    علمته العمر يكون شمعة بتضوى طريق
    و ازاى تهرب منى الدمعة يشوفها بريق
    و اتعلمت فى حبه القسوة
    يهون الحب و لا يسوى كلمة بتتقال
    تضيع ايامى و انا بنشد فى عنيه دواوين
    و شايفة فى هواه شمسى
    تراب أرضى .. و نبع حنان بيروينى
    الزهرة اللى سنين عاشت جوه كتابه
    و دارت عنه اشواكها .. و سابت فى ايديه نداها
    يكون يا قلبى ده قدرها .. يكسرها وينساها
    و رغم جفاه لسه ايديا على بابه
    اندهله و استنى جوابه
    يعودلى الصمت بتجاهل و فوقه سؤال
    إزاى حبيبى يتنازل عن قلب حبه بالساهل
    و يسيب اشواقى ليه سلاسل على روحى تضيق
    اتلفت احتاج لصديق
    ملقاش الدفا إلا فى حبه
    و لا اشوف النور الا فى دربه
    و القى النسيان صعب عليا
    تتوسله دموع عينى
    تقوله يا عمرى نسينى
    و يا خوفى لو نسانى حبه
    من تانى ارجع واحبه
    و اضيع الباقى فى عمرى
    على حلم بسم يحيينى

      الوقت/التاريخ الآن هو الإثنين ديسمبر 05, 2016 6:32 pm